CƏMİYYƏT


Qəbul imtahanlarında 700 bal toplayan abituriyentlər Bilik Fondunun qonağı olublar

A+ A

Bakı, 14 sentyabr, AZƏRTAC

Azərbaycan Respublikasının Prezidenti yanında Bilik Fondunda 2016-2017-ci tədris ili üçün qəbul imtahanlarında 700 bal toplayan abituriyentlərlə görüş keçirilib.

Görüşdə Fondun əməkdaşları və Könüllülər Birliyinin üzvləri, tələbə adını qazanmış abituriyentlərin valideynləri iştirak ediblər.

Bilik Fondunun icraçı direktoru Oktay Səmədov abituriyentləri yeni dərs ilinin başlanması münasibətilə, həmçinin göstərdikləri yüksək nəticəyə görə təbrik edib, onlara gələcək təhsil və karyera yolunda uğurlar arzulayıb. Ümummilli lider Heydər Əliyevin “Təhsil millətin gələcəyidir” fikrini sitat gətirən O.Səmədov gəncləri bundan sonra daha da səylə çalışmağa, Azərbaycanın gələcəyi üçün savadlı və gərəkli kadrlar kimi yetişməyə çağırıb.

Müstəqil həyata qədəm qoyan abituriyentlər akademik Vaqif Abbasovun elm, təhsil sahəsində uğur qazanmaq, həyatda layiqli yer tutmaq üçün verdiyi dəyərli tövsiyələri dinləyib, onları maraqlandıran suallara cavab alıblar.

Göstərilən diqqətə görə Bilik Fonduna minnətdarlığını bildirən abituriyentlər və onların valideynləri dövlətin gənclərə və onların təhsilinə ayırdığı qayğıdan danışıblar. Onlar müxtəlif ali təhsil müəssisələrində təhsillərini ən yüksək səviyyədə davam etdirəcəklərinə söz veriblər.

Sonda abituriyentlərə Bilik Fondunun hədiyyələri və akademikin ulu öndər Heydər Əliyevə həsr etdiyi “Liderlik fəlsəfəsi” kitabı təqdim olunub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.