DÜNYA


Qeyri-leqal siqaret satışı Britaniya büdcəsinə baha başa gəlir

Bakı, 20 iyul, AZƏRTAC 

Keçən il Böyük Britaniyanın dövlət büdcəsi qeyri-leqal siqaret satışı ucbatından 1,84 milyard funt-sterlinq itirib.

AZƏRTAC “vergiler.az” saytına istinadla bildirir ki, əgər ölkəyə qeyri-qanuni və ya qaçaqmalçılıqla gətirilən siqaretlər rəsmi qaydada satılsa idi, göstərilən məbləğ qədər əlavə vergi yığılması mümkün ola bilərdi.

2016-cı ildə Böyük Britaniya sakinləri 5,5 milyard “qanunsuz siqaret” çəkmişlər ki, bu rəqəm Avropada ən yüksək göstəricilər sırasındadır. Buna baxmayaraq, hüquq-mühafizə orqanlarının fəaliyyəti nəticəsində ölkəyə qaçaq yolla gətirilən siqaretin kəmiyyəti 17 faiz azalıb.

Böyük Britaniyaya qeyri-leqal siqaret əsasən Polşadan, Belarusdan, Rumıniyadan və Pakistandan daxil olur.

Hesablamalara əsasən, siqaret qaçaqmalçılığına görə Avropa ölkələri il ərzində ümumilikdə 10,2 milyard avro məbləğində vergi yığa bilməyiblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.