ELM VƏ TƏHSİL


Qiqel Paraşiv: Azərbaycan və Rumıniya universitetləri arasında yeni əlaqələr yaranır

Bakı, 24 may, Xatirə Cəfərova, AZƏRTAC

Bakıda keçirilən Azərbaycan-Rumıniya Təhsil Forumu ölkələrimizdə təhsil sistemlərinin islahatı sahəsində təcrübə mübadiləsi üçün bir fürsətdir.

AZƏRTAC xəbər verir ki, bunu Rumıniya təhsil nazirinin müavini Qiqel Paraşiv jurnalistlərə müsahibəsində deyib.

Q.Paraşiv qeyd edib ki, forum çərçivəsində ali təhsil müəssisələri arasında əməkdaşlıq haqqında sənədlər imzalanıb. İki ölkənin təhsil nazirliklər arasındakı əməkdaşlığa Rumıniyada təhsil almaq istəyən azərbaycanlı tələbələrə təqaüd verilməsi də daxildir.

Q.Paraşiv bildirib ki, Azərbaycan və Rumıniyanın təhsil sahələri üzrə ekspertiza həyata keçiriləcək. Bunun nəticələrinə əsasən, əməkdaşlığın perspektivləri müəyyənləşdiriləcək.

Nazir müavini qeyd edib ki, universitetlərimiz arasında yeni əlaqələrin yaradılması tələbə və müəllimlər üçün əlverişli imkanlar yaradır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.