CƏMİYYƏT


Qırğızıstanda “Azərbaycan haqqında nə bilirəm” yazı müsabiqəsi keçirilir

Bişkek, 18 iyun, АZƏRTAC

Azərbaycanın Xarici İşlər Nazirliyinin, Gənclər və İdman Nazirliyinin, ölkəmizin Qırğızıstandakı səfirliyinin birgə təşkilatçılığı ilə Bişkekdə “Azərbaycan haqqında nə bilirəm” yazı müsabiqəsi keçirilir.

Müsabiqə “Heydər Əliyev: Azərbaycanın Ümummilli Lideri”, “Ermənistan-Azərbaycan, Dağlıq Qarabağ münaqişəsinin reallıqları”, ”Azərbaycanın tarixi, incəsənəti, mədəniyyəti”, ”Azərbaycanın əhalisi, dili, adət-ənənələri”, ”Beynəlxalq siyasətdə Azərbaycanın rolu”, ”Azərbaycan-Qırğızıstan: tarixi əlaqələr və perspektivlər”, ”Azərbaycanın iqtisadi inkişafı”, ”Azərbaycanın neft və qaz strategiyası”, ”Azərbaycan qədim mənbələrdə” mövzuları üzrə keçirilir.

Səfirliyin yaydığı məlumata görə, müsabiqədə 18-29 yaşlarında olan Qırğızıstan vətəndaşları iştirak edə bilər. Material 2500 sözdən artıq olmamalı, yazı rus və ya ingilis dillərində yazılmalıdır.

Müsabiqədə ilk beş yeri tutanlar bu ilin avqust-sentyabr aylarında Azərbaycana səfər etmək imkanı qazanacaqlar.

Qulu Kəngərli

AZƏRTAC-ın xüsusi müxbiri

Bişkek

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.