SİYASƏT
Qırğızıstanın Azərbaycanda səfirliyi açılacaq
Bişkek, 24 oktyabr, AZƏRTAC
Qırğızıstan Prezidenti Aparatının informasiya siyasəti şöbəsinin yaydığı məlumata görə, dövlət başçısı Almazbek Atambayev bu ölkənin Azərbaycanda səfirliyinin yaradılması haqqında Fərman imzalayıb.
Fərmanda deyilir: “Azərbaycanla əldə edilən razılaşmaya uyğun olaraq və bu ölkə ilə Qırğızıstan arasında siyasi, ticarət-iqtisadi, mədəni-humanitar sahələrdə əməkdaşlığın daha da dərinləşdirilməsi məqsədilə Azərbaycan Respublikasının paytaxtı Bakı şəhərində Qırğızıstanın səfirliyi yaradılsın”.
Fərmanda aidiyyəti qurumlara bir ay müddətində səfirliyin təşkilati və maliyyə məsələlərini həll etmək tapşırılır.
Qulu Kəngərli
AZƏRTAC-ın xüsusi müxbiri
Bişkek