İDMAN


Qırmızı vərəqədən qəzəblənən futbolçu hakimi öldürüb VİDEO

A+ A

Bakı, 8 noyabr, AZƏRTAC

Meksikada həvəskar futbol komandaları arasında keçirilən oyun ölümlə nəticələnib.

AZƏRTAC xəbər verir ki, Tulansinqo şəhərində keçirilən qarşılaşma zamanı komandalardan birinin futbolçusu Ruben Rivera Vaskes hakimi öldürüb.

Əlli doqquz yaşlı referi Viktor Trexo qarşılaşmanın gedişində futbolçuya qırmızı vərəqə göstərib. Bu qərardan qəzəblənən Vaskes hakimin üzərinə şığıyıb və ona “kəllə” atıb.

Futbolçunun zərbəsi o qədər güclü olub ki, Trexo yerindəcə dünyasını dəyişib. Özünü meydançaya yetirən həkimlər də onu xilas edə bilməyiblər. İdmançı isə hadisə yerindən qaçıb. Hazırda futbolçu polis əməkdaşları tərəfindən axtarılır.

Qeyd edək ki, 2014-cü ilin iyununda oxşar hadisə ABŞ-ın Livoniya şəhərində yaşanmışdı. Həmin vaxt Miçiqan futbol liqasının oyunu zamanı Bassel Saad onu meydandan qovmağa çalışan hakim Con Beneviçi vurmuşdu. Referi yerli xəstəxanada dünyasını dəyişmiş, futbolçu isə həbs olunmuşdu.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.