İQTİSADİYYAT


Qış mövsümündə rusiyalılar arasında ən populyar məkan Azərbaycandır

A+ A

Moskva, 25 oktyabr, AZƏRTAC 

Rusiyanın “kayak.ru” axtarış saytı bu ilin qış mövsümündə rusiyalılar arasında ən populyar turizm istiqamətlərinin reytinq cədvəlini tərtib edib. Məlum olub ki, Rusiya sakinləri arasında ən populyar istirahət məkanı Azərbaycandır.

Axtarış saytının məlumatına görə, Bakıya təyyarə ilə gedib-gəlmək rusiyalılara 7 569 rubla başa gəlir. Tbilisiyə biletlərin qiyməti 13 227 rubl, Yerevana isə 14 079 rubldır. Uzaq ölkələr arasında populyar istiqamət Tel-Əvivdir. Bu şəhərə uçuşun qiyməti 19 261 rubl təşkil edir.

“KAYAK” müxtəlif turizm resursları üzrə axtarış saytıdır. Sayt və saytın mobil əlavəsi ildə 1,5 milyarddan çox turist sorğusunu cavablandırır. “The Priceline Group”un müstəqil bölməsi olan şirkətin 20 dildə 40 beynəlxalq saytı fəaliyyət göstərir. Sayt rusiyalıların axtarış sorğularının təhlili əsasında populyar istiqamətləri müəyyən edir, eləcə də daha münasib variantlar təklif edir.

Fəridə Abdullayeva

AZƏRTAC-ın xüsusi müxbiri

Moskva

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.