MƏDƏNİYYƏT


Qobustan qoruğunun yaradılmasının 50 illiyi qeyd ediləcək

Bakı, 2 iyun, AZƏRTAC

İyunun 13-də Bakıda Qobustan Milli Tarixi Bədii Qoruğunun yaradılmasının 50 illiyinə həsr edilmiş “Qobustan - mədəniyyətlərin qovşağında qayaüstü incəsənət” adlı elmi konfrans keçiriləcək.

Qoruqdan AZƏRTAC-a bildirilib ki, dövlət səviyyəsində baş tutacaq konfrans Mədəniyyət və Turizm Nazirliyi və Azərbaycan Milli Elmlər Akademiyasının (AMEA) birgə təşkilatçılığı ilə gerçəkləşəcək.

İki gün davam edəcək konfransda dünyanın tanınmış arxeoloqlarının da iştirakı nəzərdə tutulur.

Konfransa iyunun 14-də Qobustan Milli Tarixi Bədii Qoruğunda təşkil ediləcək tədbirlə yekun vurulacaq.

Qeyd edək ki, sahəsi 3 min 96 hektar olan Qobustan Milli Tarixi Bədii Qoruğu 1966-cı ildə yaradılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.