REGİONLAR
Qobustanda 16 min 285 nəfər tibbi müayinədən keçib VİDEO
![](/files/galleryphoto/2016/1/1200x630/14596011241349359943_1200x630.jpg)
![](/files/galleryphoto/2016/1/1200x630/1459601124120824410_1200x630.jpg)
![](/files/galleryphoto/2016/1/1200x630/14596011244373121380_1200x630.jpg)
![](/files/galleryphoto/2016/1/1200x630/14596011245635751207_1200x630.jpg)
Qobustan, 2 aprel, Adil Ağayev, AZƏRTAC
Qobustan rayonunda əhalinin pulsuz kütləvi tibbi müayinəsi müvəffəqiyyətlə davam edir.
Mərkəzi rayon xəstəxanasından AZƏRTAC-a bildiriblər ki, bölgə üzrə 44 min 749 nəfər kütləvi tibbi müayinədən keçirilməlidir. Kampaniya başlanandan – fevralın 15-dən bəri 16 min 285 nəfər müayinə olunub.
Tibbi müayinə mərkəzi rayon, Sündü və Təklə kənd sahə xəstəxanalarında, habelə 4 xüsusi səyyar briqada tərəfindən aparılır. Hərtərəfli tibbi müayinə olunanlardan indiyədək 1286 nəfəri ambulator, 59 nəfəri stasionar müalicəyə cəlb edilib, 64 nəfəri isə əlavə müayinə və müalicə üçün Bakı şəhərinə göndərilib.
Hazırda qrafik üzrə əhalinin qalan hissəsi müayinədən keçirilir. Səyyar briqadalar vasitəsilə əlil və ahıl insanların tibbi müayinəsi evlərdə aparılır.
Sakinlər onların sağlamlığının qorunması məqsədilə keçirilən bu aksiyaya görə onun təşəbbüskarı olan Prezident İlham Əliyevə minnətdarlıq edirlər.