REGİONLAR


Qubada iki nəfər günvurma diaqnozu ilə xəstəxanaya yerləşdirilib

Quba, 4 iyul, Elxan Yusifli, AZƏRTAC

İyulun 4-də Qubada iki nəfər günvurma diaqnozu ilə rayon mərkəzi xəstəxanasına yerləşdirilib.

AZƏRTAC xəbər verir ki, Quba rayon sakini 63 yaşlı Alik Şıxəliyev və Qusarın Hil kənd sakini, 18 yaşlı Amid Hasəliyev xəstəxanaya gətiriləndə vəziyyətləri ağır olduğundan reanimasiya şöbəsinə yerləşdiriliblər. Müvafiq tibbi yardımdan sonra vəziyyəti sabitləşən A.Hasəliyev evə buraxılıb. Alik Şıxəliyevin müalicəsi isə davam etdirilir.

Mütəxəssislər gün vurmadan qorunmaq məqsədi ilə günorta vaxtlarında açıq havada çox olmamağı, qoruyucu vasitələrdən istifadə etməyi, çoxlu sərin maye qəbul etməyi məsləhət görürlər. Günvurmanın ilkin əlamətləri görünən kimi zərərçəkəni kölgəyə və ya sərin otağa aparmaq, soyuq su vermək lazımdır. Xəstənin vəziyyəti ağırlaşarsa, dərhal təcili yardım çağırmaq vacibdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.