İDMAN


Qurban Qurbanov: Azarkeşlərimizin köməyi ilə yaxşı nəticə əldə etməyə çalışacağıq

A+ A

Bakı, 2 avqust, AZƏRTAC 

Şansımız böyükdür və bundan istifadə etməyə çalışacağıq. Futbolçularımız da UEFA Çempionlar Liqasında yaxşı oyun göstərmək istəyirlər.

AZƏRTAC xəbər verir ki, bu sözləri UEFA Çempionlar Liqası yarışlarının üçüncü təsnifat mərhələsinin cavab oyunları çərçivəsində Çexiyanın “Viktoriya” (Plzen) komandasını qəbul edəcək Ağdamın “Qarabağ” klubunun baş məşqçisi Qurban Qurbanov deyib.

Baş məşqçi bildirib ki, azarkeşlərimizin köməyi ilə yaxşı nəticə göstərməyə çalışacağıq. Doxsan dəqiqə ərzində həm müdafiədə, həm də hücumda oynaya bilərik. Əlavə vaxt və penalti zərbələrinə də hazır olmalıyıq. Futbolçular da bunun məsuliyyətini başa düşürlər. Lakin onları da psixoloji təzyiq altında qoymaq lazım deyil. Şanslarımızdan maksimum şəkildə istifadə etməyə çalışacağıq.

“Qarabağ”-“Viktoriya” oyunu avqustun 2-də saat 20:30-da Tofiq Bəhramov adına Respublika stadionunda başlayacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.