ELM VƏ TƏHSİL


Qurğuların enerji ilə simsiz doldurulması üsulu hazırlanıb

Bakı, 22 fevral, AZƏRTAC 

“Disney Research” laboratoriyasının alimlər qrupu otaq daxilində elektron qurğuların enerji ilə doldurulmasını simsiz təmin edən sistem hazırlayıblar. Bu metod “kvazistatik rezonans boşluq” (“QSCR”) adlandırılıb.

AZƏRTAC techcult.ru saytına istinadla xəbər verir ki, yeni metodu nümayiş etdirmək üçün laboratoriyada 5x5 metr ölçüsündə xüsusi otaq qurulub. Otaqda bir neçə mobil telefonu daimi enerji ilə dolduran və işıqlandırmanı enerji ilə təmin edən maqnit dalğaları yaradılıb.

Alimlər hesab edirlər ki, eksperiment aparılan otaqda divarlar metalla örtülsə də, gələcəkdə konstruksiyanı sadələşdirmək mümkün olacaq. Bunun üçün xüsusi divar panelləri və ya cərəyan keçirən rənglər daha uyğundur.

Artıq 100 ildən çoxdur ki, alimlər enerjinin simsiz ötürülməsi ideyasını reallaşdırmağa çalışırlar. XIX əsrin 90-cı illərində Nikola Teslanın sınaqlarını xatırlamaq kifayətdir. O, bu sınaqlar zamanı simsiz işıqlandırmanı nümayiş etdirmişdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.