REGİONLAR


Qusar Dövlət Ləzgi Dram Teatrının kollektivi Moskvada iki tamaşa təqdim edib

A+ A

Qusar, 1 noyabr, Elxan Yusifli, AZƏRTAC

Qusar Dövlət Ləzgi Dram Teatrının kollektivi Moskvada qastrol səfəri çərçivəsində iki tamaşa ilə çıxış edib.

AZƏRTAC xəbər verir ki, teatrın kollektivi “Çayka” mədəniyyət evinin səhnəsində dahi bəstəkar Üzeyir Hacıbəylinin “Arşın mal alan” və Dağıstan Respublikasının Əməkdar İncəsənət Xadimi, yazıçı-dramaturq Asəf Mehmanın əsəri əsasında hazırlanan “Sədəf” tamaşalarını ləzgi dilində təqdim edib.

Hər iki səhnə əsəri moskvalı tamaşaçılar, xüsusilə orada yaşayan həmyerlilərimiz tərəfindən alqışlarla qarşılanıb. Bununla yanaşı, tamaşaçılara folklor qruplarının ifası və milli rəqslər də təqdim olunub.

Tamaşaları izləməyə gələnlər mədəniyyət evinin foyesində Qusarın tarixi və mədəniyyətini əks etdirən stendə baxıblar.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.