REGİONLAR


Qusarda oxucuların diqqətini çəkmək üçün maraqlı aksiya keçirilib VİDEO

Qusar, 2 iyun, Elxan Yusifli, AZƏRTAC

Qusarda kitab həvəskarlarını sevindirən maraqlı aksiya təşkil olunub.

AZƏRTAC xəbər verir ki, hər kəs mərkəzi kitabxananın qarşısında qoyulan şkafdan istədiyi kitabı qeydiyyatsız götürə və ya özlərinə məxsus kitabları başqalarının oxuması üçün şkafa qoya bilərlər.

Kitab şkafının üzərində “Hörmətli oxucu, bu kitablar sizin üçündür. Lazım olanı alıb oxuyun və yerinə qaytarın. Hazırda oxumadığınız kitabınız varsa, gətirin başqaları da oxusun. Biz sizə inanırıq və qeydiyyat aparılmır.” sözləri yazılıb.

Aksiyaya 2017-ci ilin əvvəlindən 300 kitabla start verilib. Son 5 ay ərzində həmin kitablara oxucuların da hədiyyə etdiyi 100-ə yaxın nəşr əlavə olunub.

Qusar Mərkəzləşdirilmiş Kitabxana Sisteminin direktoru Zahir Mustafayev bildirib ki, aksiyanın keçirilməsində məqsəd fərqli üsullarla oxucuların diqqətini çəkmək və kitaba marağı artırmaqdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.