CƏMİYYƏT


Ramana qəsəbəsində 150 kvadratmetr sahə məişət tullantılarından təmizlənib

Bakı, 29 iyun, AZƏRTAC

Bakı şəhəri Yeni Ramana qəsəbə sakini Ə.Cabbarovun yaşadığı ünvanın yaxınlığındakı ərazinin zibilliklərdən təmizlənməsi ilə əlaqədar müraciəti Ekologiya və Təbii Sərvətlər Nazirliyinin (ETSN) əməkdaşları tərəfindən şikayətçinin və bələdiyyə nümayəndəsinin iştirakı ilə yerində araşdırılıb.

AZƏRTAC nazirliyin rəsmi saytına istinadla xəbər verir ki, əraziyə baxış keçirilən zaman 150 kvadratmetr sahədə məişət tullantılarının qalaqlandığı, kommunikasiya xətlərinin və neft buruqlarının mövcud olduğu müəyyən edilib.

Tullantıları atan şəxslərin müəyyənləşdirilməsi və məsuliyyətə cəlb edilməsi məqsədilə nazirlik tərəfindən Sabunçu Rayon Polis İdarəsinə müraciət olunub.

ETSN əməkdaşları tərəfindən Sabunçu rayon Mənzil Kommunal Təsərrüfat Birliyinə və Ramana Bələdiyyəsinə verilmiş məcburi göstərişin icrası olaraq ərazi məişət tullantılarından təmizlənib və tullantıların atılmasını qadağan edən xəbərdaredici lövhə yerləşdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.