İQTİSADİYYAT


Ramiz Həsənov: Azərbaycanda verilən sertifikatların Avropada tanınması üçün fəal iş aparılır

Bakı, 30 may, AZƏRTAC

Azərbaycanda verilən sertifikatların xaricdə tanınması ilə bağlı may ayı ərzində bir sıra görüşlər keçirilib.

AZƏRTAC xəbər verir ki, Standartlaşdırma, Metrologiya və Patent üzrə Dövlət Komitəsinin sədri Ramiz Həsənov MDB-nin Standartlaşdırma, Metrologiya və Sertifikatlaşdırma üzrə Dövlətlərarası Şurasının yaranmasının 25 illiyinə həsr olunan konfransında jurnalistlərə açıqlamasında bu barədə danışarkən deyib: Azərbaycan Çin ilə müvafiq saziş imzalayıb. Bu saziş əsasında Azərbaycanda verilən sənədlər və sertifikatlar Çində, Çində verilən sertifikatlar isə Azərbaycanda tanınacaq.

Azərbaycan məhsullarının Avropa bazarına çıxışını təmin etmək məqsədilə bir neçə gün öncə Avropa Akkreditasiya Təşkilatının Baş Assambleyasında iştirak etdiyini diqqətə çatdıran Ramiz Həsənov qeyd edib ki, orada bir sıra görüşlər keçirildi. “İnanıram ki, noyabr ayında keçiriləcək Baş Assambleyanın növbəti iclasında Azərbaycan Avropa Akkreditasiya Təşkilatının üzvü olacaq. Bu da Azərbaycanda verilən bütün sənədlərin Avropa ölkələrində tanınmasına kömək edəcək. Həmçinin burada verilən laboratoriya nəticələri Avropa ölkələrində tanınacaq. Hazırda Azərbaycan məhsullarının ixrac olunacağı ölkələrlə mütəmadi danışıqlar aparılır”, – deyə Komitə sədri vurğulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.