CƏMİYYƏT


Rayon pediatrları yenidoğulmuşların reanimasiyası üzrə təlimlərə cəlb olunublar

A+ A

Bakı, 19 oktyabr, AZƏRTAC

Səhiyyə Nazirliyinin İctimai Səhiyyə və İslahatlar Mərkəzində (İSİM) antenatal yardım xidməti göstərən tibb müəssisələrinin işçiləri üçün neonatal reanimasiya üzrə təlimlər davam edir.

İSİM-dən AZƏRTAC-a bildirilib ki, bu dəfə təlimlərə Sumqayıt, İsmayıllı, Şamaxı və Kürdəmir regional doğuşayardım müəssisələrində çalışan pediatrlar cəlb olunublar. Nəzəri və praktiki hissədən ibarət olan təlim kursu neonatal reanimasiya sahəsində istifadə edilən yeni texnologiyaların öyrədilməsi üçün məşğələlər formatında İSİM-in xüsusi avadanlıq və manekenlərlə təchiz olunmuş təlim mərkəzində keçirilib.

Növbəti təlimlərin oktyabrın 20-21-də Gəncə, Mingəçevir, Goranboy, Şəmkir, Tovuz və Qazax regional doğuşayardım müəssisələrindən dəvət olunan həkimlərin iştirakı ilə keçiriləcəyi gözlənilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.