İDMAN


“Real” üç il ərzində ilk dəfə ən bahalı klublar reytinqində liderliyi əldən verib

A+ A

Bakı, 15 iyul, AZƏRTAC

Madridin “Real” klubu son üç ildə ilk dəfə dünyanın ən bahalı klubları reytinqində liderliyi əldən verib. “Forbes” jurnalının yenilənmiş reytinqində birinci yeri ABŞ-ın “Dallas Kovboys” klubu tutub.

Yeni liderin qiyməti 4 milyard dollar civarındadır, amma “Real”ın qiyməti 3,65 milyard dollara bərabərdir.

Üçüncü yerdə “Barselona” (3,55 milyard) qərarlaşıb, onun ardınca “Nyu-York Yankiz” (3,4 milyard) və “Mançester Yunayted” (3,32 milyard ) gəlir.

Ən bahalı ilk 10 klubun siyahısına “Nyu-İnqlend Petriots” (Amerika futbolu, 3,2 milyard), “Nyu-York Niks” (basketbol, 3 milyard), “Vaşinqton Redskins” (Amerika futbolu, 2,85 milyard) və “Los-Anceles Leykers” (basketbol, 2,7 milyard) klubları daxildir.

Əlavə edək ki, “Real”ın forvardı, “Avro-2016”da Portuqaliya yığmasının lideri Kriştianu Ronaldu ötən həftə “Forbes”in versiyasına görə, ən yüksək məvacib alan məşhurların siyahısında dördüncü yeri tutub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.