İQTİSADİYYAT


Rəhman Qurbanov: “Şahdəniz” yatağından təbii qaz hasilatı 10 faiz artıb

A+ A

Bakı, 2 noyabr, Nihad Budaqov, AZƏRTAC

Cari ilin yanvar-sentyabr aylarında Azərbaycanın ən böyük təbii qaz yatağı olan “Şahdəniz”də 8,021 milyard kubmetr qaz hasil edilib. Bu həcm ötən ilin analoji dövründəki göstəricidən 10 faiz çoxdur.

AZƏRTAC xəbər verir ki, bu barədə “naturalgasworld.com”a müsahibəsində SOCAR-ın neftin, qazın nəqli və qaz təsərrüfatı məsələləri üzrə vitse-prezidenti Rəhman Qurbanov deyib.

“Hesabat dövründə Azərbaycan daxili tələbatın ödənilməsi üçün “Şahdəniz” yatağından 2,64 milyard kubmetr təbii qaz əldə edib. Bu, “Şahdəniz”dən hasil edilən və satışa çıxarılan təbii qazın ümumi həcminin 32,9 faizini təşkil edir. SOCAR-ın hasil etdiyi kommersiya qazının həcmi isə 4,22 milyard kubmetr olub”, - deyə R.Qurbanov əlavə edib.

“Şahdəniz”də iştirak payları belədir: BP (operator – 28,8 faiz), AzŞD (10 faiz), “SGC Upstream” (6,7 faiz), “Petronas” (15,5 faiz), “LUKOIL” (10 faiz), “NICO” (10 faiz) və TPAO (19 faiz).

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.