MƏDƏNİYYƏT


“Rəssamla tanışlıq” layihəsi çərçivəsində növbəti mövzu fotoqrafiyaya həsr ediləcək

Bakı, 11 iyul, AZƏRTAC

“YARAT” Müasir İncəsənət Mərkəzində “Rəssamla tanışlıq” layihəsi davam edir.

AZƏRTAC xəbər verir ki, layihə çərçivəsində mədəniyyət ocağında növbəti qonaq tanınmış fotoqraf və pedaqoq Sənan Ələsgərov olacaq. İyulun 12-də keçiriləcək görüşdə fotoqrafiya sənətinə aid suallar cavablandırılacaq, maraq doğuran məsələlər müzakirə ediləcək.

Qeyd edək ki, S.Əsgərov fotoqrafiyanın elmi, tətbiqi, jurnalistika kimi müxtəlif sahələrində çalışmaqla yanaşı, aerofotoçəkiliş və laboratoriyada aerokosmik materialların hazırlanması ilə məşğul olur. O, yaradıcı fotoqrafiyada sənədli-bədii üsluba üstünlük verir.

Fotoqraf 12 ölkədə keçirilən 50-dən çox beynəlxalq sərgidə iştirak edib. Onun Gürcüstan, Fransa, Böyük Britaniya və Qazaxıstanda fərdi sərgiləri keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.