İDMAN
“Rio-2016”: Azərbaycan cüdoçusu Ramin İbrahimov bürünc medal uğrunda yarışacaq [YENİLƏNİB]
Bakı, 8 sentyabr, AZƏRTAC
Yarımfinalda Özbəkistan idmançısı Şerzod Namazova məğlub olan Ramin İbrahimov bürünc medal uğrunda yarışacaq.
18:35
Cüdoçumuz Ramin İbrahimov qazaxıstanlı Anuar Sarıyevə qalib gələrək yarımfinala yüksəlib. Qızıl medala gedən yolda cüdoçumuzun rəqibi özbəkistanlı Şerzod Namazov olacaq.
17:29
Sentyabrın 8-də Azərbaycan cüdoçusu Ramin İbrahimov (60 kq) Rio-de-Janeyroda keçirilən XV Yay Paralimpiya Oyunlarının cüdo yarışlarında mübarizəyə qələbə ilə başlayıb.
AZƏRTAC xəbər verir ki, yarışlara 1/16 final mərhələsindən başlayan paralimpiyaçımız Eduardo Qautoya qalib gəlib.
İdmançımız dörddəbir finalda Qazaxıstan təmsilçisi Anuar Sarıyev ilə üz-üzə gələcək.