İDMAN


“Rio-2016”: Belçikalı cüdoçu həbs olunub

A+ A

Bakı, 12 avqust, AZƏRTAC

“Rio-2016”nın bürünc mükafatçısı belçikalı cüdoçu Dirk van Tihelt yenidən xoşagəlməz hadisənin iştirakçısı olub.

AZƏRTAC xəbər verir ki, iki gün əvvəl döyülüb, telefonu əlindən alınan 32 yaşlı idmançı həbs edilib. Buna belçikalının Rio-de-Janeyro otellərinin birindəki davranışı səbəb olub. Qarət olunandan sonra telefonunun izinə düşən Dirk otelə daxil olub və bir qadını izlədiyini bildirib. O, telefonunun məhz həmin qadında olduğunu və bu üzdən onu geri qaytaracağını iddia edib.

Otelin əməkdaşı ilə anlaşa bilməyib, dalaşmağa başlayan cüdoçu polis tərəfindən həbs olunub. Bölməyə aparılan belçikalının həmin vaxt içkili olduğu bildirilir.

Qeyd edək ki, van Tihelt Azərbaycan idmançısı Rüstəm Orucovun gümüş medal qazandığı 73 kiloqram çəki dərəcəsində üçüncü olub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.