İDMAN


“Rio-2016”: Bürünc mükafatçılara dopinq araşdırması başlanıb

A+ A

Bakı, 19 avqust, AZƏRTAC 

“Rio-2016” Yay Olimpiya Oyunlarında dopinq qalmaqalı yaşanıb.

AZƏRTAC xəbər verir ki, ağırlıqqaldırma üzrə Qırğızıstan yığmasının üzvü İzzat Artikovun qanında qadağan olunmuş maddə aşkarlanıb.

İ.Artikov 69 kiloqram çəki dərəcəsində bürünc medal qazansa da, dopinq testi onun üçün müsbət nəticə verməyib. Beynəlxalq İdman Arbitraj Məhkəməsi (CAS) 22 yaşlı idmançının yarışlardan kənarlaşdırıldığını bəyan edib. Ancaq medalın onun əlindən alınıb-alınmaması ilə bağlı açıqlama verilməyib.

Həmçinin Moldova yığmasının kanoeçisi Sergey Tarnovski də eyni problemlə üzləşib. Min metr məsafəyə yürüşdə bürünc medal qazanan 19 yaşlı Tarnovskinin qanında dopinq aşkarlanıb. Beynəlxalq Kanoe Federasiyası məsələ ilə bağlı araşdırmanı davam etdirir.

“Rio-2016”da həm Moldova, həm də Qırğızıstan hələlik cəmi bir bürünc medal əldə ediblər ki, onlar da əllərindən alına bilər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.