İDMAN


“Rio-2016”nın medalçısı İslam dininə hörmətsizliyə görə yarışlardan kənarlaşdırıla bilər

A+ A

Bakı, 11 oktyabr, AZƏRTAC

“Rio-2016” Olimpiya Oyunlarının idman gimnastikası üzrə gümüş mükafatçısı Luis Smit yarışlardan kənarlaşdırıla bilər.

AZƏRTAC “BBC”yə istinadla xəbər verir ki, buna səbəb Böyük Britaniya atletinin İslam dininə rişxənd etməsidir. Məlum olub ki, nəhəng turnirin yekununda teleşirkətin əlinə britaniyalı idmançının bu hərəkətlərini isbat edən video görüntü keçib. Həmin kadrda Smit hazırda karyerasını başa vurmuş digər ingiltərəli gimnast Lyuk Karsonun dua etməsini parodiya edib. Hadisədən sonra səbəbkar baş verənlərlə bağlı dərin xəcalət keçirdiyini etiraf edib.

Məsələdən xəbərdar olan bu ölkənin İdman Gimnastikası Federasiyası bəyanatla çıxış edib. Bildirilib ki, atletin bu hərəkəti onun bütün yarışlardan məhrum edilməsi və təşkilatdan kənarlaşdırılması ilə nəticələnə bilər. Daha sonra üzə çıxıb ki, 27 yaşlı gimnastın bundan əvvəl də digər təxribat yönlü hərəkəti olub.

Qeyd edək ki, britaniyalı idmançı Olimpiya Oyunlarının dördqat mükafatçısıdır. Onun hesabında iki bürünc (“Pekin-2008”, “London-2012”) və iki gümüş (“London-2012”, “Rio-2016”) medal var.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.