MƏDƏNİYYƏT


Rodion İsmayılovun yeni filmi Sankt-Peterburq, Kazan və Kalininqradda göstəriləcək

Bakı, 24 iyul, AZƏRTAC

III Moskva “DOKer” Beynəlxalq Sənədli Filmlər Festivalının ən yaxşı tammetrajlı və qısametrajlı filmləri iyulun 26-dan 29-dək Sankt-Peterburq, Kazan və Kalininqrad şəhərlərində nümayiş etdiriləcək. Bu filmlər sırasında rejissor Rodion İsmayılovun “Plaskart” adlı ekran əsəri də yer alıb.

AZƏRTAC festivalın saytına istinadla xəbər verir ki, “Plaskart” filmi “Moskva-Vladivostok” qatarında təsadüfən rastlaşan sadə rusiyalıların həyat tarixçəsindən və taleyindən bəhs edir. Xronometrajı 80 dəqiqə olan ekran əsərində sərnişinlərin hekayətləri müasir Rusiya cəmiyyətinin sosial portretini əks etdirir. Film 2017-ci ildə çəkilib.

Rodion İsmayılov 1966-cı ildə Tovuz rayonunda anadan olub. Sankt-Peterburq Dövlət Mədəniyyət və İncəsənət Akademiyasını bitirib. Sankt-Peterburqda “Deboşirfilm studiyası”nın baş direktoru, “Nezavisimoye kino” fondunun prezidenti vəzifələrində çalışıb. 2009-cu ildən “DS Film” prodüser mərkəzində rejissor və prodüserdir. “Köç”, “Mənim qohumlarım” filmlərinin müəllifidir.

Xatırladaq ki, III Moskva “DOKer” Beynəlxalq Sənədli Filmlər Festivalı bu ilin may ayında keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.