DÜNYA


“Rosneft”in xalis mənfəəti 57,3 faiz azalıb

A+ A

Bakı, 11 noyabr, Nihad Budaqov, AZƏRTAC

Neftin qiymətinin ucuzlaşması ilə əlaqədar Rusiyanın ən böyük neft istehsalçısı olan “Rosneft”in bu ilin doqquz ayındakı xalis mənfəəti keçən ilin eyni dövrü ilə müqayisədə 57,3 faiz azalaraq 129 milyard rubla (təxminən 2 milyard dollar) düşüb.

AZƏRTAC xəbər verir ki, bu barədə şirkətin məlumatında deyilir.

Şirkətin ümumi satış üzrə gəlirləri 11,4 faiz azalaraq 3,5 trilyon rubla geriləyib.

“Rosneft”in idarə heyətinin sədri İqor Seçin deyib: “Son illərdə neft bazarlarında yaşanan dalğalanmalara baxmayaraq, müvəffəqiyyətli xərc nəzarəti sayəsində şirkətin maliyyə quruluşu sağlam qalıb”.

Qeyd edək ki, “Rosneft” keçən ay Rusiyanın neft istehsalçısı şirkətlərindən olan “Bashneft”in 50 faizlik səhmlərinin 329 milyard rubla alıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.