İQTİSADİYYAT


Rövnəq Abdullayev: “TEKFEN” şirkəti Azərbaycanda uğurla fəaliyyət göstərir

A+ A

Bakı, 12 noyabr, AZƏRTAC

“TEKFEN” şirkəti Azərbaycanda uğurla fəaliyyət göstərir.

SOCAR-ın mətbuat xidmətindən AZƏRTAC-a bildirilib ki, bunu şirkətin prezidenti Rövnəq Abdullayev noyabrın 12-də “TEKFEN Holding”in yaradılmasının 60-cı ildönümü münasibətilə holdinqin idarə heyətinin sədri Murat Gigin və “TEKFEN İnşaat”ın prezidenti Levent Kafkaslı ilə keçirdiyi görüşdə deyib.

“TEKFEN” şirkətinin təkcə Türkiyədə deyil, bütün türk dünyasında və dünya miqyasında tanındığını söyləyən R.Abdullayev şirkətin Azərbaycanda da uğurla fəaliyyət göstərdiyini qeyd edib. 20 il bundan əvvəl Azərbaycanda fəaliyyətə başlamış “TEKFEN”in həyata keçirdiyi layihələrdən danışan M.Gigin və L.Kafkaslı bu dövrdə daim SOCAR-ın qayğı və dəstəyini gördüklərini söyləyiblər.

SOCAR-ın prezidenti “TEKFEN Holding”in yaradılmasının 60-cı ildönümü münasibətilə onları təbrik edib, holdinqin əmək kollektivinə gələcək fəaliyyətlərində daha böyük uğurlar arzulayıb.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.