İQTİSADİYYAT


Rumıniyada SOCAR-ın 36-cı yanacaqdoldurma məntəqəsi açıldı

Buxarest, 19 may, AZƏRTAC

Rumıniyanın paytaxtı Buxarest şəhərinin mərkəzində “SOCAR” brendi altında sayca 2-ci yanacaqdoldurma məntəqəsi (YDM) istifadəyə verilib. Məntəqədə 2 sayğac quraşdırılıb və 4 kiçik avtonəqliyyat vasitəsinin eyni anda yanacaqla təmin edilməsi üçün şərait yaradılıb. Burada NANO 95 və NANO 98 (benzin), NANO Dizel və NANO Super Dizel tipli yanacaq məhsullarının satışı həyata keçirilir.

YDM-də, həmçinin elektriklə işləyən elektromobillərin şarjı və maşınyuma məntəqəsi də müştərilərin ixtiyarına verilib. “Roviniete”- (yol vergisi) də daxil olmaqla bir sıra ödənişlərinin edilməsi üçün xüsusi avadanlıqlar quraşdırılıb, 24 saat pulsuz internet xidməti təqdim olunur. Məntəqədə ümumilikdə 12 yeni iş yeri açılıb.

Yeni istifadəyə verilən yanacaqdoldurma məntəqəsi ilə Rumıniyada “SOCAR” brendi altında fəaliyyət göstərən YDM-lərin sayı 36-ya çatıb.

Qeyd edək ki, SOCAR Rumıniyanın artıq 17 rayonunda - Botoşan, Suçeava, Nyamts, İaşi, Bihor, Buzau, Bakau, Vrancea, Timiş, İlfov, Kluj, Valcea, Arad, Bistritsa-Nasaud, Sibiu, Argeş və Buxarestdə yanacaqdoldurma məntəqələrinə malikdir.

İqbal Hacıyev

AZƏRTAC-ın xüsusi müxbiri

Buxarest

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.