İQTİSADİYYAT


Rumıniyada SOCAR-ın 37-ci yanacaqdoldurma məntəqəsi istifadəyə verilib

Bakı, 8 iyun, AZƏRTAC

SOCAR Rumıniyanın əsas turizm mərkəzlərindən biri olan Braşov şəhərində ilk yanacaqdoldurma məntəqəsini istifadəyə verib. Bununla da bu ölkədə “SOCAR” brendli YDM-in sayı 37-yə çatıb.

Braşov məntəqəsində 3 sayğac quraşdırılıb və 4 kiçik və 2 böyük avtonəqliyyat vasitəsinin eyni anda yanacaqla təmin edilməsi üçün şərait yaradılıb. Burada NANO 95 və NANO 98 (benzin), NANO Dizel və NANO Super Dizel tipli yanacaq məhsullarının satışı həyata keçirilir. YDM-də müştərilər tərəfindən müxtəlif ödənişlərinin edilməsi məqsədilə xüsusi avadanlıqlar quraşdırılıb, kafe „Nar”da Azərbaycan məhsulları və pulsuz internet xidməti təqdim olunur. Burada ümumilikdə 11 yeni iş yeri açılıb.

Qeyd edək ki, SOCAR Rumıniyanın artıq 18 rayonunda - Botoşan, Suçeava, Nyamts, İaşi, Bihor, Buzau, Bakau, Vrancea, Timiş, İlfov, Kluj, Valcea, Arad, Bistritsa-Nasaud, Sibiu, Argeş, Buxarest və Braşovda yanacaqdoldurma məntəqələrinə malikdir.

İqbal Hacıyev

AZƏRTAC-ın xüsusi müxbiri

Buxarest

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.