DÜNYA


Rumıniyada orduya məxsus yük maşınının dərəyə aşması nəticəsində həlak olanlar var

Bakı, 30 iyun, AZƏRTAC

Rumıniyanın Müdafiə Nazirliyi orduya məxsus yük maşınının dərəyə aşması nəticəsində ən azı 3 hərbçinin həlak olduğu, 9 nəfərin isə müxtəlif dərəcəli xəsarətlər aldığı barədə məlumat yayıb.

AZƏRTAC Associated Press agentliyinə istinadla xəbər verir ki, hadisə ölkənin mərkəzində yerləşən Dambovişoara şəhəri yaxınlığında çətin keçilən dağlıq ərazidə baş verib. Qırx metrlik dərəyə yuvarlanan yük maşınında 13 hərbçinin olduğu bildirilir.

Ölənlərin ikisi əvvəllər Əfqanıstanda xidmət edən təcrübəli hərbçilər olub. Rumıniyanın Daxili İşlər Nazirliyinin məlumatına əsasən yol-nəqliyyat hadisəsi avtomobilin əyləcində yaranan nasazlıq səbəbindən baş verib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.