MƏDƏNİYYƏT
Rusdilli tamaşaçıları noyabr ayında maraqlı tamaşalar gözləyir
S.Vurğun adına Azərbaycan Dövlət Rus Dram Teatrının noyabr repertuarı maraqlı tamaşalarla zəngindir.
AZƏRTAC xəbər verir ki, noyabrın ilk günü teatrda “Ər arvadını atıb getdi” tamaşasının premyerası ilə başlayacaq. Səhnə əsəri Semyon Zlotnikovun “Qoca qarısını atıb getdi” pyesi əsasında hazırlanıb.
Komediya həvəskarları noyabrın 2-də Vasili Siqarevin pyesi əsasında hazırlanmış “Yalan detektoru”, 4-də Mark Kamolettinin “Ah, bu Anna” tamaşalarına baxa bilərlər.
Teatrın kollektivi noyabrın 5-də Nizami Gəncəvinin “Yeddi gözəl” poeması əsasında hazırlanmış eyniadlı tamaşanı, 6-da M.F.Axundzadənin “Hekayəti Müsyö Jordan həkimi-nəbatat və dərviş Məstəli şah” komediyasını, 7-də İ.Əfəndiyevin “Büllur sarayda” dramını təqdim edəcək.
Rusiyanın tanınmış aktyoru Yefim Şifrinin solo konserti noyabrın 8-9-da olacaq.
Noyabrın 13-də Aleksandr Ostrovskinin “Qurdlar və qoyunlar”, 14-də Fyodor Dostoyevskinin “Karamazov qardaşları”, 15-də Rey Kuninin “Həddindən artıq evli taksi sürücüsü”, 16-da Andrey İvanovun “Adaxlı çağırmısınız, qızlar?” tamaşaları göstəriləcək.
Oleq Yernevin “Yeni il gecəsində məhəbbət intriqaları” noyabrın 20-də, M.Lermontovun “Maskarad” dramı 21-də, Pedro Kalderon de le Barkanın “Məhəbbətlə zarafat etmirlər” lirik komediyası 22-də nümayiş olunacaq.
Teatrın kollektivi noyabrın 23-də Vladimir Neverovun “Parodiyalar paradı”na, 27-də Jan Rasinin “Fedra” faciəsinə, 28-də Uilyam Şekspirin “Yay gecəsində yuxu” komediyasını təqdim edəcək.
Mixail Zadornovun əsəri əsasında hazırlanmış “Ər almaq isyətirəm” komediyası noyabrın 29-da, Ceyms Ostinin “Qürur və qərəz” tamaşası 30-da göstəriləcək.
Həmişə olduğu kimi, noyabr ayında da uşaqları yaddan çıxarmayan teatrın kollektivi ayın 1-də Aleksandra Nikuşina və Nadir Əzimovun “Güləbətin tikən qız və süpürgəçi”, 2-də və 29-da Vladimir Neverovun “Nağılı tap!-2”, 8-də Valentina Reznikovanın “Durna balığının buyruğu ilə” tamaşalarını göstərəcək.
Uşaqlar noyabrın 9-da və 23-də Aleksandr Puşkinin “Çar Saltan, knyaz Qvidon və Qu quşu şahzadəsi haqqında nağıl”ın premyerası, 15-də Yekaterina Çernyakın “Gözəl Vasilisa” tamaşalarına baxa bilərlər.
Valentina Reznikovanın “Maşa və ayı” tamaşası noyabrın 16-da və 30-da, Vladimir Neverovun “Nağılı tap!-1” noyabrın 22-də göstəriləcək.