SİYASƏT
Rusiya Dövlət Dumasında həmyerlimizə vəzifə verilib
Bakı, 2 iyul, AZƏRTAC
Ümumrusiya Azərbaycanlıları Konqresinin (ÜAK) Moskva Vilayəti üzrə katibi Araz Mürsəliyev Rusiya Dövlət Dumasının milli məsələlər üzrə komitəsinin ekspertlər şurasının üzvü seçilib.
Bu barədə Diasporla İş üzrə Dövlət Komitəsindən AZƏRTAC-a məlumat verilib.
“Xalqlar Dostluğu” Fondunun təsisçisi və rəhbəri, “Günay” kommersiya firmasının rəhbəri Araz Mürsəliyev Rusiya Dövlət Dumasının deputatı, Dumanın milli məsələlər üzrə katibi, professor Hacımət Səfərəliyevin 2015-ci il 22 iyun tarixli qərarı ilə şuranın üzvü olub.
Rusiya Dövlət Dumasının milli məsələlər üzrə komitəsi dövlət və ictimai birliklərin elmi təşkilatlarını birləşdirir.
Qeyd edək ki, Azərbaycan diasporunun fəal nümayəndələrindən biri olan Araz Mürsəliyev buna qədər iki ölkə arasında dostluq münasibətlərinin inkişafına verdiyi töhfələrə, eləcə də yaşadığı şəhərdə ictimai fəaliyyətinə, fəal vətəndaşlıq mövqeyinə görə medal və təşəkkürnamə ilə təltif edilib.