MƏDƏNİYYƏT


Rusiya Günü ilə bağlı festivalda “Qarabağ” ansamblı çıxış edib

Moskva, 12 iyun, AZƏRTAC 

Moskvada Rusiya Günü ilə bağlı keçirilən “Çoxmillətli Rusiya” festivalında azərbaycanlılardan ibarət “Qarabağ” rəqs ansamblı da iştirak edib.

Festivalın iştirakçılarının fikrincə, hər il təşkil olunan bu bayram tədbiri Rusiya xalqlarının birləşməsinə və dostluq əlaqələrinin möhkəmləndirilməsinə yönəldilib.

Festivalda mahnı və rəqslərlə yanaşı, müxtəlif xalqların mədəniyyətləri, tətbiqi sənət işləri nümayiş etdirilən çadırlar da qurulub.

Azərbaycan milli geyimlərində səhnəyə çıxan “Qarabağ” rəqs ansamblının üzvlərinin ifaları festivala gələnlərin alqışları ilə qarşılanıb. Konsertdə “Səs” televiziya şou proqramının azərbaycanlı iştirakçısı Azər Nəsibov da iştirak edib.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.