DÜNYA


Rusiya Misirə uçuşları bərpa edir

A+ A

Qahirə, 25 sentyabr, AZƏRTAC

Misir KİV-lərinin ölkənin Mülki Aviasiya Nazirliyindəki məlumatlı mənbələrə istinadla yaydığı xəbərlərə görə, Rusiya və Misir arasında aviareyslər oktyabrda bərpa oluna bilər. Mənbənin məlumatına əsasən, tərəflər oktyabrda aviareyslərin mərhələli şəkildə bərpası haqqında razılığa gəliblər. Misir aviasiyanın rəhbərləri iki ölkə arasında aviareyslərin yenilən başlanması və uçuşların təhlükəsizliyin təmin olunması məsələlərində rusiyalı həmkarları ilə sıx əməkdaşlıq edir.

İlk növbədə Qahirə ilə Moskva arasında reyslərin bərpa olunması nəzərdə tutulur. Bu reyslər Qahirə aeroportunun yeni terminalından yerinə yetiriləcək. Sonra Hurqada və Şarm-əş-Şeyx kurort şəhərləri ilə müntəzəm aviareyslərin bərpasına başlanacaq.

Xatırladaq ki, 2015-ci il oktyabrın 31-də Misirin Şarm-əş-Şeyx kurortundan Sankt-Peterburqa uçan Rusiyaya məxsus A321 avialayneri Sinay səmasında qəzaya uğramışdı. Təyyarədəki 217 sərnişinin və yeddi heyət üzvünün hamısı həlak olmuşdu. Bu hadisədən sonra Misirlə Rusiya arasında aviasiya rabitəsi kəsilib.

Asya Hacızadə

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.