DÜNYA


Rusiya Prezidenti bir sıra yüksək vəzifəli məmurları işdən çıxarıb

A+ A

Bakı, 28 noyabr, AZƏRTAC

Rusiya Prezidenti Vladimir Putin Federal Təhlükəsizlik Xidmətinin, dövlət başçısının İşlər İdarəsinin, Müdafiə və Daxili İşlər nazirliklərinin bir neçə yüksək vəzifəli məmurunu vəzifədən azad edib.

AZƏRTAC TASS informasiya agentliyinə istinadla xəbər verir ki, prezidentin mətbuat katibi Dmitri Peskov bu qərarın dövlət başçısının tövsiyəsinə zidd olaraq həmin məmurların Rusiya Elmlər Akademiyasının müxbır üzvü və akademiki seçilmələri ilə bağlı olduğunu bildirib.

Beləliklə, Federal Təhlükəsizlik Xidmətinin qeydiyyat və arxiv fondları idarəsinin rəisi, general-leytenant Vasili Xristoforov vəzifəsindən azad olunub. Prezidentin işlər müdirinin müavini Konstantin Kotenko, Müdafiə Nazirliyinin Baş hərbi-tibb idarəsinin rəisi Aleksandr Fisun, daxili işlər nazirinin müavini, Daxili İşlər Nazirliyinin istintaq departamentinin rəisi Aleksandr Savenkov öz ərizələrinə əsasən vəzifədən azad ediliblər.

Agentliyin yaydığı xəbərdə bu il hakimiyyət orqanlarının 14 nümayəndəsinin Rusiya Elmlər Akademiyasının üzvü seçildiyi bildirilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.