DÜNYA


Rusiya Prezidenti dekabrın 15-də Yaponiyaya səfər edəcək

A+ A

Tokio, 3 sentyabr, AZƏRTAC

Yaponiyanın Baş naziri Şinzo Abe və Rusiya Prezidenti cari ildə daha bir yüksək səviyyəli görüşün keçirilməsi barədə razılığa gəliblər.

NHK televiziya kanalının Rusiya və Yaponiya diplomatik mənbələrinə istinadla yaydığı məlumata görə, Vladimir Putin dekabrın 15-də Yaponiyaya səfər edəcək. Səfər zamanı iki liderin Baş nazir Şinzo Abenin anadan olduğu Yamaquçi prefekturasının Naqato şəhərində görüşəcəyi bildirilir.

Beynəlxalq konfranslar istisna olmaqla, ikitərəfli yüksək səviyyəli görüşün keçirilməsi üçün Rusiya Prezidenti Vladimir Putin son dəfə 2005-ci ilin noyabrında Tokioya səfərə gəlib.

Yaponiyanın Baş naziri Şinzo Abe isə hazırda Uzaq Şərqdə ikigünlük səfərdədir. Vladivostokda keçirilən Şərqi İqtisadi Forum çərçivəsində o, sentyabrın 2-də Rusiya Prezidenti ilə görüşüb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.