DÜNYA


Rusiya bankları xarici valyutada cəlb olunan depozitlər üzrə faiz dərəcələrini aşağı salacaq

A+ A

Bakı, 30 avqust, AZƏRTAC

Rusiya bankları yaxın günlərdə xarici valyutada cəlb olunan depozitlər üzrə faiz dərəcələrini aşağı salmağı planlaşdırır.

AZƏRTAC “lenta.ru” saytına istinadla xəbər verir ki, "Citibank" artıq bu gündən etibarən faizləri azaltmaq qərarına gəlib. Avqustun 28-dək bu bankın dollar əmanətləri üzrə illik dərəcəsi 0,1 faiz, avro üzrə 0,05 faiz olub.

"OTP Bank"ın əmanət, hesablaşma və komisyon məhsulları mərkəzinin rəisi Pavel Nujdov həmçinin bildirib ki, kredit təşkilatı valyuta məhsullarının gəlirliliyini azaldacaq.

"Svyazbank"ın pərakəndə biznesin inkişafı departamentinin direktor müavini Natalya Nalivkina bildirib ki, sentyabrın əvvəlindən xarici valyutada faiz dərəcələri 0,2 faiz bəndi azaldılacaq.

Bununla yanaşı, "Alfa-bank", "VTB 24", "Rayffazzenbank", "Ural Yenidənqurma və İnkişaf Bankı" və "Yunikredit" hələlik avro və dollarla əmanətlər üzrə faiz dərəcələrinin azaldılmasını planlaşdırmır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.