MƏDƏNİYYƏT


Rusiyada yaşayan şairimiz Bakıda “Günlərdən şeir” layihəsində iştirak edib

Bakı, 14 iyul, AZƏRTAC

İyul ayının 14-də M.F.Axundzadə adına Azərbaycan Milli Kitabxanasının nəzdində fəaliyyət göstərən “Açıq kitabxana”da “Günlərdən şeir” layihəsinin növbəti tədbiri reallaşıb. Layihə Mədəniyyət və Turizm Nazirliyi, İLESAM təşkilatı, Milli Kitabxana və Azərbaycan Yazıçılar Birliyinin (AYB) Müşfiq Komissiyasının birgə təşkilatçılığı ilə həyat keçirilir.

Kitabxanadan AZƏRTAC-a bildirilib ki, tədbirin qonağı Rusiyada yaşayan şairimiz Nəsib Nəbioğlu, onun qonağı isə “Ədəbiyyat” qəzetinin baş redaktor müavini, şair Adil Cəmil olub.

Tədbiri açan Milli Kitabxananın direktoru, professor Kərim Tahirov layihə haqqında qısa məlumat verib.

Sonra söz 37 ildir Moskvada yaşayan kəlbəcərli şair Nəsib Nəbioğluna verilib. Şair “Nənəmin cəhrəsi”, “Qəlbimin şəhəri”, “Qonşu qız”, “Bir əlim tanrının ətəyindədir”, “Balaca çoban” və “Azərbaycan əsgərinə” adlı şeirlərini oxuyub. Şair Adil Cəmil isə Nəsib Nəbioğlunun yaradıcılığından, şeirə verilən dəyərdən, şair olmağın çətinliyindən danışıb, öz şeirlərini söyləyib.

AYB-nin mətbuat katibi Xəyal Rza bu unikal layihənin əhəmiyyətini vurğulayıb, “Qonaq dərdim” və Ermənistan silahlı qüvvələrinin Füzuli rayonunun Alxanlı kəndini atəşə tutması nəticəsində həyatını itirən ikiyaşlı Zəhraya həsr etdiyi şeirini səsləndirib.

Ədəbiyyatşünas alim Qəzənfər Paşayev Nəsib Nəbioğlunun yaradıcılığı haqqında fikirlərini bölüşüb, layihəni yüksək qiymətləndirib.

Xatırladaq ki, layihə çərçivəsində hər cümə günü şairlərlə görüş keçirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.