REGİONLAR


Rusiyalı turist: On gündür ki, dostumla birgə Azərbaycandayıq, çox gözəl ölkəniz var VİDEO

Şəki, 26 iyun, Mustafa Dadaşov, AZƏRTAC

Ölkəmizdə yay turizm mövsümünün açıq elan edilməsi xarici turistlərin bölgələrimizə axınına səbəb olub. Turistlər səfalı məkanlarımıza səfər edir, gözəl təbiət qoynunda dincəlirlər. Belə turistlərdən biri də rusiyalı Yuliya Musuitinadır. O, Moskva ətrafındakı kiçik Boqdan şəhərindəndir.

Yuliya AZƏRTAC-a müsahibəsində deyib: “On gündür ki, dostumla birgə Azərbaycandayıq. Çox gözəl ölkəniz var. Bakıda dörd gün olduq, doyunca gəzdik. Sonra Oğuz rayonuna səfər etdik, Qəbələdə olduq. Kanat yolu ilə gəzərkən qarşımızda çox heyrətamiz mənzərə canlanırdı. İndi isə iki gündür ki, Şəkidəyik. İnsanlarınız çox mehriban və istiqanlıdırlar”.

Qədim Şəkinin tarixi məkanları, o cümlədən Şəki xanlarının sarayı, Kiş məbədi, “Yuxarı Karvansaray” mehmanxana kompleksi və digər abidələrlə tanışlıqdan məmnun qaldığını bildirən rusiyalı turist Şəkinin zəngin mətbəxini, xüsusilə halva və pitini çox bəyəndiyini vurğulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.