DÜNYA


Rusiyanın enerji gəlirləri azalmaqda davam edir

Bakı, 13 yanvar, Nihad Budaqov, AZƏRTAC

Rusiyanın neft gəlirləri 2016-cı ildə 2015-ci illə müqayisədə 20 faiz, təbii qaz gəlirləri isə 27 faiz azalıb.

AZƏRTAC Rusiya Federal Gömrük Xidmətinə istinadla xəbər verir ki, ölkənin neft gəlirləri ötən il 2015-ci illə müqayisədə 20 faiz azalaraq 66,3 milyard dollar olub. Təbii qaz gəlirləri isə hesabat dövründə 2015-ci illə müqayisədə 27 faiz azalaraq 27,9 milyard dollar təşkil edib. Hesabat dövründə ölkənin təbii qaz ixracı 6,5 faiz artaraq 178 milyard kubmetrə çatıb.

Rusiyanın Müstəqil Dövlətlər Birliyinə (MDB) üzv olmayan ölkələrə neft ixracı 7 faiz artaraq 215 milyon tona çatıb. MDB ölkələrinə neft ixracı isə 16 faiz azalaraq 17,4 milyon tona düşüb.

Rusiya 2015-ci ildə ümumilikdə 185 milyard kubmetr təbii qaz ixrac reallaşdıraraq 41,8 milyard dollar gəlir əldə etmişdi.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.