DÜNYA


Rusiyanın neft gəlirləri artıb

Bakı, 4 avqust, Nihad Budaqov, AZƏRTAC 

Rusiyanın neft ixracı üzrə gəlirləri bu ilin ilk yarısında ötən ilin eyni dövrü ilə müqayisədə 38,7 faiz, təbii qaz üzrə gəlirləri isə 19,5 faiz artıb.

AZƏRTAC xəbər verir ki, bu barədə Rusiya Federal Gömrük Xidmətinin məlumatında deyilir. Bildirilir ki, ölkənin neft ixracı üzrə gəlirləri bu ilin yanvar-iyun aylarında 2016-cı ilin eyni dövrünə nisbətdə 38,7 faiz artaraq 45,6 milyard dollara, təbii qaz üzrə gəlirləri isə 19,5 faiz çoxalaraq 17,9 milyard dollara yüksəlib.

Ölkədə təbii qaz ixracının həcmi də 8,6 faiz artaraq 103,6 milyard kubmetrə çatıb.

Neft İxrac Edən Ölkələr Təşkilatı (OPEC) ilə əldə edilən neft hasilatının azaldılması sazişinə görə gündəlik neft hasilatını 300 min barrel azaltmağı öhdəlik götürən Rusiya iyul ayında sutkalıq istehsalını 307 min barrel azaldıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.