MƏDƏNİYYƏT


Rusiyanın tanınmış musiqiçiləri Muğam Mərkəzində çıxış edib

A+ A

Bakı, 10 noyabr, AZƏRTAC

Noyabrın 10-da Beynəlxalq Muğam Mərkəzində Rusiyanın tanınmış musiqiçiləri, beynəlxalq müsabiqələr laureatı “Sib-Duo” qrupunun konserti olub.

AZƏRTAC xəbər verir ki, qrupun solistləri Bakıya ilk dəfə gəldiklərini və çıxış etdiklərini söyləyiblər. Konsertdə barokko və klassik musiqilər ifa edəcəklərini deyiblər.

“Dünya Kuboku” və “Dünya Trofeyinin” qalibi olan “Sib-Duo” qrupunun təməli dörd il bundan öncə Aleksandr Sirotkin və Andrey Bityutskix tərəfindən qoyulub. Qrup Rusiya, Almaniya, Avstriya, Fransa, İtaliya, Çexiya və Çində keçirilən böyük musiqi forum və festivallarında iştirak edib. “Sib-Duo” dörd il ərzində müxtəlif proqramlarla yüzlərlə konsertin iştirakçısı olub. Konsertlərdə qrupu Avropa və Rusiyanın tanınmış musiqi kollektivləri - simfonik və kamera orkestrləri, Rusiya xalq çalğı alətləri orkestrləri müşayiət edib. “Sib-Duo” qrupunun repertuarına dünya və rus musiqisi, estrada və caz janrından nümunələr və xalq mahnılarının xüsusi işləmələri daxildir.

Qrupun Bakıda təqdim etdiyi konsert proqramı maraqla qarşılanıb.

Konsertin informasiya dəstəkçilərindən biri də AZƏRTAC-dır.

Qeyd edək ki, “Sib-Duo” qrupunun noyabrın 11-də Rusiyanın İnformasiya-Mədəniyyət Mərkəzində dinləyicilərlə görüşü olacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.