İQTİSADİYYAT


“SOCAR Energy Georgia” ötən il Gürcüstanda 21,8 milyon dollarlıq investisiya yatırımı həyata keçirib

A+ A

Bakı, 6 avqust, Nihad Budaqov, AZƏRTAC

SOCAR–ın Gürcüstandakı törəmə şirkəti “SOCAR Energy Georgia” tərəfindən ötən il Gürcüstanda 21,8 milyon ABŞ dolları məbləğində investisiya yatırımı həyata keçirilib.

AZƏRTAC xəbər verir ki, bu barədə SOCAR-ın “Davamlı inkişaf haqqında” hesabatında məlumat verilir.

Qeyd edək ki, “SOCAR Energy Georgia” 2006–cı ildə yaradılıb. Şirkətin əsas fəaliyyət sahəsinə neft məhsullarının Gürcüstanda topdan və pərakəndə satışı, “SOCAR” brendi altında yanacaqdoldurma məntəqələrinin, neft terminalları və anbarların tikintisi, eləcə də yeni qaz kəmərinin çəkilməsi və mövcud qaz kəmərlərinin reabilitasiyası daxildir. “SOCAR Energy Georgia” Gürcüstanda fəaliyyət göstərən şirkətlərin biznes reytinqinin ilk onluğunda yer alıb. Şirkət ən böyük vergi ödəyicisi, ən böyük iş yerlərinin təminatçısı, yüksək keyfiyyət standartı və effektiv menecment nominasiyalarında qalib gəlib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.