İQTİSADİYYAT


“SOCAR Turkey Enerji A.Ş.” ilin sonunadək TANAP-ın səhmdarlarından biri olacaq

Bakı, 31 may, Nihad Budaqov, AZƏRTAC

“SOCAR Turkey Enerji A.Ş.” (STEAŞ) bu ilin sonunadək Trans-Anadolu qaz boru kəməri (TANAP) layihəsinin səhmdarlarından biri olacaq.

AZƏRTAC xəbər verir ki, bunu STEAŞ-ın baş direktoru Zaur Qəhrəmanov deyib. O qeyd edib ki, “SOCAR Turkey Enerji A.Ş.”nin TANAP-ın səhmdarı olması üçün işlər ilin sonunadək yekunlaşacaq.

Qeyd edək ki, STEAŞ “Cənub Qaz Dəhlizi” QSC-nin TANAP-dakı 58 faizlik səhmlərinin 7 faizini almağı nəzərdə tutur.

TANAP-ın səhmdarlarının layihədəki payı belədir: “Cənub Qaz Dəhlizi” QSC - 58 faiz, “Botaş” - 30 faiz və BP şirkəti - 12 faiz.

Xatırladaq ki, SOCAR 2008-ci ilin mayından etibarən Türkiyədəki fəaliyyətini STEAŞ adı ilə davam etdirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.