İQTİSADİYYAT


SOCAR-da Ümumdünya Ətraf Mühitin Mühafizəsi Günü qeyd edilib

Bakı, 5 iyun, AZƏRTAC

İyunun 5-də SOCAR-ın Ekologiya İdarəsinin təşkilatçılığı ilə “Eko-park Ekoloji Tədqiqatlar Mərkəzi” İctimai Birliyində Ümumdünya Ətraf Mühitin Mühafizəsi Gününə həsr olunmuş tədbir keçirilib.

SOCAR-ın mətbuat xidmətindən AZƏRTAC-a bildirilib ki, tədbirdə Bakı Slavyan Universitetinin məktəb-lisey kompleksinin şagirdləri, Azərbaycan Uşaq və Gənclərin Sülh Şəbəkəsinin üzvləri və idarənin əməkdaşları iştirak ediblər. Təhlükəsizlik təlimatı ilə tanışlıqdan sonra məktəblilər “Sağlam ətraf mühit naminə” mövzusunda təqdimatla çıxış ediblər. Tədbir ekoloji yönümlü şeir və mahnılar, “Sağlam ətraf mühit naminə” adlı rəsm sərgisi ilə davam etdirilib. Sonra Eko-parka ekskursiya təşkil olunub.

Qeyd edək ki, 1972-ci ildə Birləşmiş Millətlər Təşkilatının Baş Assambleyasının 27-ci sessiyasında 5 iyun Ümumdünya Ətraf Mühit Günü elan edilib. Həmçinin Baş Assambleyanın bu sessiyasında BMT sistemində yeni təşkilat - BMT Ətraf Mühit Proqramı (UNEP) yaradılıb. Hər il bu təşkilat tərəfindən Ümumdünya Ətraf Mühit Günü keçirilir.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.