İQTİSADİYYAT


SOCAR-ın ödənişli “Yay təcrübəsi proqramı”nın iştirakçıları ilə görüşlər təşkil olunub

A+ A

Bakı, 22 sentyabr, AZƏRTAC 

SOCAR-ın baş ofisinin İnsan Resursları Departamentinin əməkdaşları şirkətin idarə və müəssisələrində ödənişli “Yay təcrübəsi proqramı”nın iştirakçıları ilə görüşlər keçiriblər.

SOCAR-ın mətbuat xidmətindən AZƏRTAC-a bildirilib ki, onlar şirkətin “Azərikimya” İstehsalat Birliyində, “Azneft” İstehsalat Birliyində, Geofizika və Geologiya İdarəsində, Kompleks Qazma İşləri Trestində, “Neftqaztikinti” Trestində, Heydər Əliyev adına Neft Emalı Zavodunda, “Qaz İxrac” İdarəsində, Ekologiya İdarəsində, “Neftqazelmitədqiqatlayihə” İnstitutunda, eləcə də İnformasiya Texnologiyaları və Rabitə İdarəsində təcrübə keçən tələbələrlə görüşüb, onların layihəyə münasibətlərini öyrənib, təklif və rəylərini dinləyiblər.

Tələbələr onlar üçün yaradılmış şəraitdən razı qaldıqlarını bildiriblər. Təcrübələr zamanı əldə etdikləri biliklərin önəmini vurğulayan tələbələr təhsillərini başa vurduqdan sonra karyeralarını məhz SOCAR-da qurmaq arzusunda olduqlarını söyləyiblər. Təcrübə rəhbərləri ödənişli “Yay təcrübəsi proqramı”nın gedişi və iştirakçıların gördüyü işlər barədə fikirlərini bölüşüb, təcrübəyə cəlb edilmiş tələbələrin bilik və bacarıqlarından razı qaldıqlarını qeyd ediblər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.