İQTİSADİYYAT


SOCAR üzrə atmosferə atılan qazların həcmi müəyyən edilib

Bakı, 12 may, AZƏRTAC

SOCAR üzrə atmosferə atılan qazların həcmi müəyyən olunub.

Şirkətin mətbuat xidmətindən AZƏRTAC-a bildirilib ki, SOCAR-ın baş ofisində Ekologiya İdarəsinin təşkilatçılığı ilə “Metan emissiyalarının azaldılmaları” mövzusunda seminar keçirilib. Seminarda qeyd olunub ki, Norveçin “Carbon Limits” şirkəti ilə Ekologiya İdarəsi arasında imzalanmış Anlaşma Memorandumuna əsasən cari ilin fevralında əvvəlcədən müəyyən edilmiş potensial mənbələrdə xüsusi cihaz və avadanlıqlardan istifadə etməklə sızmalar və texnoloji itkilər ölçülüb. Ölçmələr nəticəsində adi halda müəyyən edilməsi mümkün olmayan, atmosferə atılan qazların həcmi müəyyən edilib.

Seminarda ölçmə işlərinin yekun nəticələri təqdim edilib. İqlim dəyişmələrinə təsirin azaldılması ilə bağlı qəbul olunmuş Paris Razılaşması, metan qazının aşkarlanması üçün cihaz və avadanlıqlar, ölçmə işləri və metanın yığılması üçün müvafiq texnologiyalar barədə təqdimatlar dinlənilib. Seminarın sonunda gələcək əməkdaşlığın mümkün istiqamətləri barədə müzakirələr aparılıb.

Seminarda Ekologiya və Təbii Sərvətlər Nazirliyi, Norveçin Azərbaycandakı səfirliyi, Dünya Bankı, BMT-nin İnkişaf Proqramı, Azərbaycanın neft sənayesində çalışan əməliyyat şirkətləri, həmçinin SOCAR-ın struktur bölmələrinin nümayəndələri iştirak ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.