CƏMİYYƏT


“Sabahın əsgəri” yazı müsabiqəsinin qalibləri mükafatlandırılıb

Bakı, 25 yanvar, AZƏRTAC

Səfərbərlik və Hərbi Xidmətə Çağırış üzrə Dövlət Xidməti yaradılmasının beşinci ildönümü münasibətilə ümumtəhsil məktəblərinin X-XI sinif şagirdləri arasında keçirdiyi “Sabahın əsgəri” adlı yazı müsabiqəsinin qalibləri mükafatlandırılıb.

Bu qurumdan AZƏRTAC-a bildiriblər ki, Xidmətin aparatında təşkil olunan tədbirdə Səfərbərlik və Hərbi Xidmətə Çağırış üzrə Dövlət Xidməti rəisinin birinci müavini, general-mayor Zaur Abdullayev müsabiqə haqqında məlumat verib. Qeyd edib ki, müsabiqənin məqsədi məktəblilər arasında vətənpərvərlik hisslərinin gücləndirilməsidir. Ötən il dekabrın 1-dən bu il yanvarın 18-dək davam edən müsabiqəyə təqdim olunan yazılar münsiflər heyəti tərəfindən obyektiv qiymətləndirilib və qaliblər müəyyənləşdirilib.

Səfərbərlik və Hərbi Xidmətə Çağırış üzrə Dövlət Xidmətinin idarə rəisi, polkovnik-leytenant Yusif Mirzəyev müsabiqənin qaydaları və qiymətləndirmə meyarları haqqında məlumat verib.

Sonda “Sabahın əsgəri” yazı müsabiqəsinin qaliblərinə mükafatlar təqdim edilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.