REGİONLAR


Sabirabadda barama tədarükünə başlanılıb

Sabirabad, 1 iyun, Mahir Babayev, AZƏRTAC

Bir neçə gündür ki, sabirabadlı kümçülər bəslədikləri ipəkqurdundan əldə etdikləri məhsulun tədarükünə başlayıblar. Məhsul “Şəki-İpək” ASC tərəfindən qəbul olunur.

AZƏRTAC xəbər verir ki, bu il rayonda 54 ailəyə 100 qutu (1900 qram) ipəkqurdu toxumu paylanılıb. Artıq kümçülər 35-40 günlük gərgin zəhmətin barını toplayaraq qəbul məntəqəsinə təhvil verirlər. Qısa müddətdə tədarük məntəqəsinə ümumilikdə 750 kiloqram barama təhvil verilib.

Barama tədarükündə rayonun Nizami, Şəhriyar və Qaralar kəndlərinin kümçüləri fərqlənirlər. Nizami kənd sakini Teymur Bəhrəmov bu günə kimi 465 kiloqram barama tədarük edib. Kümçünün sözlərinə görə o, bundan sonra daha 250 kiloqramdan çox məhsul tədarük edəcək.

Qeyd edək ki, bu il rayonda 5 ton barama istehsal olunması nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.