REGİONLAR


Şabranda baş verən yanğın zamanı azyaşlı uşaq yanıq xəsarətləri alıb VİDEO

A+ A

Şabran, 20 sentyabr, Elxan Yusifli, AZƏRTAC

Sentyabrın 19-u axşam saatlarında Şabran şəhərində yanğın hadisəsi baş verib.

AZƏRTAC xəbər verir ki, beşotaqlı evdə qeydə alınan yanğın zamanı 4 yaşlı Yusif Namiq oğlu Qasımov yanıq xəsarətləri alıb. Hadisə baş verən vaxt evdə yatan azyaşlını qonşular yanğından xilas edə bilib. Zərərçəkən dərhal Şabran Rayon Mərkəzi Xəstəxanasına çatdırılıb.

Kürək və aşağı ətraf nahiyəsindən yanıq xəsarətləri alan Yusif Qasımova müvafiq tibbi yardım göstərilib. Azyaşlının vəziyyəti orta ağır kimi qiymətləndirilir.

Yanğın Şabran Dövlət Yanğından Mühafizə Hissəsinin yanğınsöndürən maşınları və canlı qüvvəsi tərəfindən söndürülüb. Hadisə zamanı ümumi sahəsi 100 kvadratmetr olan birmərtəbəli evin 1 otağının yanar konstruksiyaları 33 kvadratmetr sahədə yanıb. Evin qalan hissəsi yanğından mühafizə olunub. Bununla belə iki ailənin yaşadığı ev yararsız vəziyyətə düşüb.

Yanğının başvermə səbəbləri ilə bağlı araşdırma aparılır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.